Its A Mixture Of Reality & Fiction.

Corruption Rate

Har kaam mai sabqat chahta hai

Or naam  bara kamata hai

Tu apnay kalay dhandon ko

Insaaf ki bhaint charhata hai

Mat bhool puranay waqt ko tu

Jab tu bhi adna naukar tha

Insaaf ki batain karta tha

or sach kehnay say darta tha

Haq k sailab pai jab teray

kala paisa parta tha

Jab chand paison ki khatir tu

Emaan ka sauda karta tha

Or lalach kay is jungle mai

Tu kai kai meel ko chalta tha

Ab takhta tera ulat gaya

Or hath bhi tera khali hai

Aik baat samajh lai aye nadan

Dunya ki ulfat theek sahi

Per rizq tera halali ho

Emaan ki taqat chor kay jo

In dhandon mai parjata hai

Aik roz bari ruswae say

wo apni jaan ganwata hai

—–******—–

SaRa Tirmizi

The Badge Of Atia School

This Poem is truly from my heart dedicated to my School and my worthy and honorable Principle Sir JOHN GASPER & Staff.

Tulo Aftaab Hua Jo Falak Per,

Lagi Sochnay Khuwabon Ki Ulfat,

Ye Din Akhri Hai ATIA mai mera,

Na janay kahan hoga apna basera.

Hum nay yahan zindagi hai sawanri,

lagnay lagi hai humain ab ye pyari,

Shaoor-e-sukhan hua ab sunhaira,

Na janay kahan hoga……

Jo khuwabon ki basti sajae thi hum nay

loh-e-ilm dil say lagae thi hum nay,

haqeqat hua hai ab har aik chehra,

Na janay kahan hoga….

SaRa khuloos-e-muhabaat say likhti,

cheeragh-e-ilm munawar rahay ye,

sadi bar sadi ho taraqi ka sehra,

Na janay kahan hoga apna basera.

SaRa Tirmizi

Written :- 27-01-2010 , Wednesday